2014年5月23日 星期五
女生好多時候都因為想拍拖，而輕易被男生嘅「包裝」吸引到，到相處落先知「貨不對辦」，最後因了解而分手。才華、成就同外表固然重要，不過性格都係影響感情嘅關鍵。以下10種男生，就要小心：
1. 鍾意吹噓戀愛經驗的男生
佢因為拍過好多次拖而覺得好自豪，經常向其他人「吹噓」自己高明嘅追女仔手段。呢種男生通常都好識得討女生歡心，追你嘅時候就對你溫柔體貼，唔愛你嘅時候就反面無情。唔識得寫「尊重」兩個字。
2. 疑心重的男生
太重的嫉妒心會令佢變成神經質嘅猜疑者，永遠對你嘅行為做最壞嘅假設，同佢一齊只會不停被管束。
3. 過度自戀的男生
覺得自己好巴閉好勁，自視過高，又唔肯承認自己嘅缺點。佢享受被人讚嘅優越感，而佢好有可能只會當你係小跟班。
4. 無故經常轉工的男生
經常為了些雞毛蒜皮嘅事而轉工，顯示出佢係個唔願意承擔責任嘅人，對生活同感情好可能亦都一樣。
5. 有成癮傾向的男生
好簡單，染上毒癮、酗酒、沉迷賭博嘅男生，分分鐘要成三五七年先可以戒到。連自己嘅生命都置之不顧，你都唔使旨意佢可以照顧到你。
6. 不能許下承諾的男生
每當你將話題帶到穩定個人關係時，例如你想認識佢嘅家人同朋友時，佢總係推搪了事，咁表示佢極可能唔想同你維繫長期關係。佢唔同你分手，可能只係暫時未搵到更合適嘅對象。