2015年1月7日 星期三
杜如風最近幫大台主持一個名為《流行首爾》嘅旅遊節目，好多觀眾睇完之後都未必知首爾流行啲咩，但就一定做咗杜如風心入面條蟲，事關你連佢屋企有幾對鞋，有幾多個手袋都知得一清二楚。
.png)
不過第一集播出之後，有唔少網民都表示十分反感，認為節目根本介紹旅遊的成份不多，只係不停係度俾杜如風炫耀自己既財富。例如好似第一集，杜如風就去到新沙洞一個手袋博物館，入面放左好多古董手袋同名牌手袋。杜如風入到去，就好似進入左 "battle" 模式一樣，話要同博物館比拼一下邊個既手袋多。其中一幕係有一個手抓包，杜如風稱自己家中有八個，另一個女性至愛品牌Chanel，博物館擺放一個黑白免手袋，杜如風指家中有好幾個，又指自己愛使錢，但不會花七十多萬買一個手袋而是買車，而博物館共有三千多個展覽品，杜如風指自己家中的收藏差不多，可以回港開番個展覽會。
好多網友都對佢呢種 "旅遊介紹" 手法好唔滿意，話杜如風公主病，甚至有網民係討論區寫道︰「講嘢講到一忽忽， 聽唔到有咩有用既旅行資訊。佢肥腫難分, 個面唔知係唔係打咗botox好似膠咁！ 講嘢、行路、坐低都郁身郁勢，一係過度活躍症, 一係TAKE咗嘢！講到自己潮流尖端，去到手袋博物館，同人鬥多手袋，啲港女格出晒嚟！其實冇人想知佢有幾有錢...」
個人認為呢種講法又過份左啲，杜如風雖然係節目入面既表達方式未必人人受落，但都唔洗咁話人既，話唔定杜如風咁做只係想摶出位呢！！未睇過呢個節目既朋友，可以去myTV睇番！（http://mytv.tvb.com/foodandtravel/seoulsearching/197185）